Kei te tu wehe etahi o nga hapu o Te Whakatohea ki te ropu Whakatohea Pre-Settlement Claims Trust. Kua roa nei nga hapu o Te Whakatohea e tohetohe ana i nga Whakataunga kokoraho mai ano i nga tau kotahi mano iwa rau iwa tekau ina te tapae wha tekau mirona tara a Te Kawanatanga ki a Te Whakatohea e ea ai ona nawenawe whenua. Engari whakakorehia ake na te kore te katoa o nga uri o Te Whakatohea i whakaaetia. Otira mai ano i te tau rua mano ma toru ka whakahuihui ano nga hapu  e ono o Te Whakatohea ki a ratau ano ka pehea e whai tonu i ta ratau whakataunga kokoraho. No nga tau tata ake nei i whakatuhia te ropu Whakatohea Pre-Settlement Claims Trust i tautoko i Te Kawanatanga me nga tangata kotahi mano rima rau whitu tekau ma tahi o nga uri katoa ono mano ono rau ono tekau ma rua. Ahakoa kua tapaina e Te Whakatohea Pre-Settlement Claims Trust tetahi kirimana i Te Kawanatanga kei taupatupatu tenei kaupapa i te nuinga o uri me Te Upokorehe e kiia he iwi motuhake ia ehara kau ia i tetahi hapu o Te Whakatohea.