Otira nō te tuatahi o tēnei marama tonu o Whiringa-ā-rangi i timata a Emily Wilson i ōna hāerēretanga i te whanuitanga me te  whāroatanga o Aotearoa hei whakanui me whakamohio i te āhuatanga o te mate hukahuka kei te patu i a tātou te iwi o Aotearoa. I mahue a Emily Wilson i Te Reinga e ōmanga ana e eke pahikara ana e waka tiwai ana me te waka mōkihi i Te Ika-a-Maui me Te Waipounamu. Kei te mau a Emily Wilson i te mate hukahuka tahi ka tae ki Tauranga i te rangi tekau mā wha a tērā Rātu o tēnei Whiringa-a-rangi kia whakanui i te Rangi Mate Hukahuka o te Ao. I ōna haerenga ka peka atu a Emily Wilson ki ngā Whare Diabetes NZ. Mēna kei te pai te moana me te ahurangi ka hoe waka ia ki Te Waipounamu ēngari me ka kino ma runga ke i kaipuke pahihi. Hei te roanga o tōna hāerenga ka toro a Emily Wilson ki ngā takiwa o Kirikiriroa, Te Whanga-nui-a-Tara, Otautahi, Otepoti mutu ake i Murihiku i te rangi tuatoru o tērā marama o Hakihea.