No roto i nga tau tawhito toru tekau he tokoitinga kaiako tino kino. Ta te mea kei te kimi aua kura i nga kaiako kia whakakii i nga turanga rua rau waru tekau ma whitu. Otira te korero a te tumuaki o te kura takawaenga o Whakatane a Doug McLean kei te pai ratau i Whakatane me a ratau kaiako matua engari kei te kimi tonu ratau i nga kaiako riiwhi. Kei te kii a Doug McLean kei te whai nga kura i Tamaki-makau-rau i nga kaiako hei whakakii i nga turanga engari kei te whakatupato a Doug McLean i nga kura me whai matauranga rangatira nga kaiako kaua e whai i nga kaiako kare ano kia tohunga i nga wahanga katoa o nga kaupapa kura. Kei te whakatupato a Doug McLean i nga kaiako no tawahi, me tana korero ko te nuinga o nga kura kei te aruaru i nga kaiako kei te tonga o Tamaki-makau-rau ko nga tamariki Maori me nga tamariki moutere. Ki te kore nga kaiako o whenua ke atu e mohio ki nga tikanga me nga ahurea o era tamariki Maori, Moutere ranei e kore nga akomanga e oti pai. Tera hoki nga korero a Dogu McLean he nui nga mahinga akomanga kei te amonga i nga kaiako Aotearoa me te iti rawa o te putea-a-tau.