Hei te purongo a Ra-ora kei te rangirua nga tangata ki hea rano e porowhiu i nga kirihou ta te mea kua purukati te whenua o Haina i nga kirihou i nga whanuitanga o te ao ki tona ake whenua na te kore ia e ahei ki te korakora kia ngaro noa aua kirihou. No reira kei te raru nga tangata o Aotearoa me aha ratau ki te whakakore atu i nga kirihou i a ratau parapara tangata. Tera te korero a Paul Evans toihautu WasteMINZ ka ahei ratau ki te whakahangarua i nga kirihou paerewa tahi me paerewa rua. Engari aua kirihou paerewa toru ki te paerewa whitu he uaua ki te whakatumatapongia i te whatu tangata i te mata whenua ranei. No reira te kitenga aianei tonu ka tuku nga kirihou ano nei he parapara tangata kia porowhiuwhiu ki te kopu o Papatuanuku tanumia aitia. Hoi ano ka pera te uauatanga o te kirihou kia whakangaro i nga takiwa tonu e whakahaere ana i Te Kaunihera o Whakatane me Te Kaunihera o Kawerau. Ka huna nga kirihou ki roto i te whenua engari e kore e kurupopo rano kare kau he ngarara whenua e ahei ki te kaikai atuhia.