Hei te tumu whakarae hei Doug Leeder ma te whakarite i ngā tūru māori ki runga i Te Kaunihera o Whakatāne e ahei te iwi Māori ki te whai take mōna ake mo tōna orangatanga. Kei te whakatauira a Doug Leeder i tāna kaunihera o Toi Moana me ngā tūru Māori e whaiwhai ana i ngā tikanga Māori me te titiro ki ngā kaupapa o te whenua mā te ao Māori. Mā ngā whakaritenga ahurea māori ka ahu pēhea ngā tohutohu a te kaunihera o Toi Moana. Kei te mīharo a Doug Leeder ki aana kaikaunihera Māori o Toi Moana e tarai ana i ngā āhuatanga e hāngai ana ki te whenua, te wai me te ātea i roto tonu i Te Waiariki. Kia mahi tahi te pākeha me te Māori e rere pai ai te wairuatanga o o ratōu mahinga katoa e ora ai te tangata me ngā kīrehe o Papatuanuku, Ranginui me Tangaroa. Otira kua whakarite Te Kaunihera o Whakatāne kia tū ngā turu Māori hei te kowhiringa pōti a rohe e taka mai nei kia tu rāno ngā kaikaunihera Māori i Te Kaunihera o Whakatāne nui tonu.