He manawapatanga na Sue Laurent o te ropu Chick Pingers kua kitea e ratau te matehanga o nga pipi kiwi e ono i pao mai ki te aoturoa i waenga i nga marama o Here-turi-koka me Mahuru pahore nei. HE wahine tuao a Sue Laurent o te Whakatane Kiwi Trust ka whitu tau tawhito e mahi ana i nga mahinga e tiaki ai i nga manu kiwi ki roto o Whakatane me ona rohenga. Hei ta Sue Laurent he whakaaro no ratau kotahi pea – e rua rano pea nga tori ura kei te rahaki i nga tahere nana hoki nga pipi kiwi i patua. Ta te mea ko te tohu o te mate ki nga pipi kiwi ko te ngaua i te hamo i nga kaki o nga pipi kiwi. Ko te raru pea mo nga tangata tiaki i nga manu kiwi kei te karo atu nga tori ura i nga tahere me nga mounu roringa pena i te para-amino-propio-phenone ara PAPP. Ki nga korero a Sue Laurent i tuku ta ratau kuri kia hongihongi i te tori ura, ahakoa i panaia te tori ura i tona rua ka piki ke te tori ura ki runga i tetahi rakau ngaro atu ai. I tenei wa kei te whakangungu ratau i tetahi kuri pokiha ko Ted kia kuhu ia ki roto i nga rua kaikai ai te tori ura. Koira ra te tumanako kia tiaki pai i nga manu kiwi o tenei takiwa o Nga Tapuwae o Toi.
Kei te manawapa nga tangata tiaki pipi kiwi kei te neke tonu nga tori ura i nga ngahere o Whakatane…
I often visit your page and have noticed that you don’t update it often. More frequent updates will give your blog higher rank & authority in google.
I know that writing articles takes a lot of time, but you can always help yourself with miftolo’s tools which will shorten the time of creating an article to
a few seconds.
Thank you for your feedback, we will definitely be taking this kōrero into consideration and will be working on more frequent updates of our whārangi.
Ngā mihi