Kei te kii a Kevin Barker kaua e whakapaetia kotahi anahe te iwi kei te kaihoro i nga koura wai maori. No reira kei te manawapa a Kevin Barker ki tetahi rahui kia kaua ratau e hopu i nga koura wai maori. Ko ta Kevin Barker e whakaaro ana kia hoki ano ki nga mahinga tawhito hei hopu koura wai maori kia kaua te tenei ika maori e ngaro i te moa. Tera pea me rahui enei ika i te wa haputanga o nga koura wai maori. Hei ta Kevin Barker kua kitea e ia etahi tangata e hii koura ana me nga taputapu hou e tinitini ana te hopukanga i nga koura wai maori. Engari pea me mahia tonuhia nga rakau manuka e hauhake i nga koura wai maori. Kei te whakapono a Kevin Barker ko te ngarohanga o nga koura wai maori ko te maroke whenua i o ratau ake whaitua me nga roringa kei te wairere i nga ahuwhenua me taone e tukino ana i nga wai maori me ona kirehe. Ki te korero a Kevin Barker he pakeha ia no whakatipuranga e rima otira he moe wahine maori nona me te whakaaro mo aana mokopuna e kore ratau e hopu koura wai maori mena ka ngaro atu mo te kore take noa iho.