He whare haumaru whakamatau taringa, ihu me te korokoro ka tu ki Kawerau. Ka tuatahi tenei whare haumaru ki Kawerau, a te Ramere te 23 o Mahuru.

He kaupapa tenei e whakahaerehia ana e te ratonga taringa, ihu, korokoro o te poari hauora o te Waiariki. Otira, hei ta te nehi haumaru, ta Jeannie Bruning ko te putake o tenei whare haumaru he haere ki nga wharua e uaua ana te whai i te takuta, otira mo nga tamariki hoki.

Hei ta Jeannie Bruning. Ko te nuinga o nga tamariki kua oti te whakarite ki te whare haumaru i Whakatane. Heoi, hei ta Jeannie Bruning ano, ahakoa kua oti te whakarite i nga tamariki, kare te nuinga e tae atu ki te whare haumaru, na te pukumahi o nga matua, na te uaua ranei te taraiwa. Nareira te titiro ake me te haere hoki o te whare haumaru ki nga wharuarua kia ata whakamatauria nga tamariki.