Hei ta Rick Whalley kua tuku Te Kaunihera o Whakatane tetahi purongo no Ahitereiria e hangai ana ki te horowhenua hei rerenga parapara ki Te Kaunihera o Toi Moana. Otira te whakatau a Te Kaunihera o Whakatane ki te pirangi nga hapori ki te tuku tapae tono tekau ma rima nga rangi mahinga wiki e toe ana. Otira te korero a Rick Whalley o te ropu Awatarariki era tuhinga a te purongo Ahitereria he uaua ma te tangata ki te whai kupu marama. Me te kii hoki a Rick Whalley kihei Te Kaunihera o Whakatane i korero tahi ki a ratau mo te purongo Ahitereiria no te titiro titaha no ratau o Matata ki nga tangata o Te Kaunihera o Whakatane he kupu teka ke no ratau. Kei te rapu mana te kaunihera o Whakatane kia ahei Te Kaunihera o Toi Moana ki te tineia te puritanga o nga kainga wha tekau ma wha kei te aronga o te matapuna o te Awatarariki. Tekau ma wha tau tawhito te tukinotanga o o ratau kainga e te pahutanga o te waipuketanga me nga kohatu nunui engari kua whakatikatika aua hapori o ratau kainga aianei me te hiahia o Te Kaunihera o Whakatane ki te whakakore atu aua kainga me ona kaipupuri ki wahi ke atu haumaru ai.