No tata ake nei i whakaputa Te Manatu Ahu Matua te rahui kia tapu ai nga akau mai i te huarahi rogers i Pukehina ki Opape. No reira te korero a Barry Howe tetahi tangata o Te Kaunihera o Opotiki me te Whakatohea Mussels kua kore ratau e ahei ki te hauhake i a ratau kuku. Otira taihoa ake te wa e karanga rano Te Manatu Ahu Matua kua mahea te mate pukohuwai katahi ka hauhake ano nga kuku ki roto o te rohe o Mataatua me whanui atu ki Aotearoa. Ki nga korero a Barry Howe manomano nga tau e rere ana te mate pukohuwai i Te Awa-iti me Te Awa-nui e whakarori ana i nga mataitai me te kore e tukino i aua kaimoana pena i nga kuku. Kia taka atu rano nga rangi kaore e roa e ngaro kau ana te mate pukohuwai. Ka kino te ira tangata mena e kaikai ia i nga kuku me etahi kaimoana e mau ana i te mate pukohuwai koinei te ahuatanga o te rahui kaimoana i tenei wa tonu.