Kei te kite nga hua papai o te B4 school checks. Hei nga tatauranga a te Manatu hauora koni atu i te 83 orau o nga tamariki i haere kia whakamatauria te hauora o nga tamariki, me te ki a te minita mo nga take hauora, Jonathan Coleman te ahua nei ka eke te orau ki ta te manatu hauora i whakatakoto, hei te mutunga o te tau ahumoni, ara, ka eke ki te 90 orau.

He kaupapa te B4 school check e whakamatau ana i nga tamariki wha tau te pakeke, a, e timata ana ki te kura tuatahi. E hono ana tenei kia Tamariki Ora, he ratonga tirotiro, whakamatau hoki i te hauora o nga tamariki.

Hei ta te minita take hauora, e kitea ana te piki o te orau o nga tamariki e whakamatauria ana, otira te miharo nui ina te whakapa atu ki nga whanau pohara, rawakore hoki me o ratou tamariki. Hei ta te minita ano i hipa ake te whakamatau i nga tamariki pohara i te 83 orau, te nama i whakatakotoria e te manatu hauora.

Ano te kaha akiaki a te minita kia heria nga tamariki e timata ana ki te kura, ki te takuta ki tetahi raotnga hauora ranei kia whakamatauria te hauora me te oranga o nga tamariki i mua tonu o te timatanga ki te kura.