Kei Perth a Keahnee Tioke raua ko tona whaea ko Paula Grant e noho ana i nga tau tawhito e toru ka hunuku raua tahi ki Opotiki.

Hoi ano no nga tau e rua pahore i rongo a Keahnee Tioke rua tekau ma toru tau tona pakeke i tetahi mamae i tona puku. Torotoro ana a Keahnee Tioke ki etahi rata i Opotiki Whakatane me Kawerau mena ka kite ratau i te putaketanga o tana mamae kino engari korekore rawa.

Ahakoa tana tono kia mahia tetahi mihimihi tirotiro kihei i mahia. Otira kia tae rano ki te rangi rua tekau ma rima o Kohitatea rua mano ngahuru ma whitu ka horohia a Keahnee Tioke i Opotiki ki te hohipera o Whakatane na tana kaha mamae otira ka tukuna ke ia ki te kainga i muri tata i nga haora e toru.

No te rangi Ramere pahore i ahei ki te kite i tona puku me tetahi ultrasound otira tetahi mate pukupuku nunui.  No te Rahoroi hipa nei i tangohia tetahi pukupuku wha ira wha kirokarama te taumaha. Tenei mutunga mai o te pai ki ta Keahnee Tioke.

Hei ta Gail Bingham o Hauora-a-Toi kia mau rano ia i te mana moko o Keahnee Tioke katahi ia ka whakarewa i tetahi whakamatautau i wa roa rawa i kitea rano te pukupuku nana i whakatipu – i whakamamae rano i te wahine mo nga tau tawhito e rua.