He hui tenei i karangahia e nga uniana e Te Riu Roa me Te Wehengarua hei tetahi o nga hui rima tekau i tu ki te whanuitanga o Aotearoa. Kei te hiahia nga kaiako kia mau mai i nga wahanga pai o te tahua putea e whiwh ai i nga kura.

Otira kei te pirangi Te Kawanatanga kia whakarereke te tahua putea tawhito kia whitu a ratau marohi me te tu hoki i tetahi Global Budget.

Hei nga korero a Glenn Cassidy o Te Wehengarua puta mai te korero a John Key ki te kore nga kaiako e aro ki nga marohi a Te Kawanatanga me whakakore i aua marohi. Engari kei te kii a Glenn Cassidy kei te titaha ke a John Key me tana kii ka kore etahi kaiako e rata rawa hei aha ma ratau.

No reira te korero a Glenn Cassidy me kawau maro ratau nga kaiako ki Te Kawanatanga kia mohio Te Kawanatanga kei te whakatakariri ratau nga kaiako ki nga rereketanga o te tahua putea. Ki ta Glenn Cassidy he putea kei te whanako Te Kawanatanga i a Pita kia hoatu ki a Paora.

Ara te ahuatanga o te putea hou ka tangotango nga kura i a ratau whatinga putea me te whakaaroaro ki hea rano e whakapau atu ai. Etahi wahi ka pai etahi atu wahanga ka hinga pohara ke.