Hei ta te heamana o Fonterra hei ta John Wilson he matakite no ratau ka tuku ratau i te rima tara me te rua tekau ma rima heneti ia kirokarama mirakau totoka ki nga kaiahuwhenua hei te kaupeka rua mano ngahuru ma ono me te rua mano ngahuru ma whitu.

Tera hoki te rima tekau ki te ono tekau heneti hei ia panga mo te kaupeka tau putea rua mano ngahuru ma whitu ka tapiri kia piki te tuku putea ki nga kaiahuwhenua kia rima tara whitu tekau ma rima heneti ki te rima tara waru tekau ma rima heneti ranei.

Ko te raru ke mo nga tauhokohoko mirakau kei runga ake te huanga ratonga engari ano nga whenua o tawahi kua kore ke ratau e hiahia i o tatau miraka kau o Aotearoa.

Otira nga korero a John Wilson ko te rereketanga o te tara Aotearoa me te tara Amerika e whakaiti ana i nga huanga nui i nga uara miraka kau.