Kei te kii a Conrad Wilkshire o FMG ko Sabre Construction te umanga kamura e awhina ana i nga tangata no ratau nga kainga i patua kinotia e te waipuke no te rangi tuaono o te marama o paenga-whawha.

Hei te korero tonu a Conrad Wilkshire e tata ana etahi o nga tangata kia hoki ano ki o ratau kainga hei tenei marama tonu o Pipiri.

Ko te putaketanga ko nga maho tomua a Sabre Construction kia tango i nga pakitara maku no nga kainga rua tekau e ahei aua whare kia maroke rano.

Otira whai muri i te marokehanga o nga whare kuhu tonu atu ka kaikamura ki te whakatikatika i aua whare. Hei te korero a te kaipupuri o Sabre Construction a John Holwerda toru tekau wha tekau ranei nga kaimahi me nga kirimana e whakapaipai ana i nga kainga wha tekau  me te waituhi otira te kitenga tena pea a te rangi tekau ma ono o tenei marama o Pipiri e oti totika ia te whare tuatahi e hoki ana tona whanau.