Kei te nanu nga pirihimana o te Waiariki i runga i te maha o nga tangata kare i te whai whakaaro i te wa e taraiwa motuka ana. Koni atu i te ono tekau nga tangata i whiwhi karere hara, na runga i nga hara i te wa e taraiwa ana.

Mai te tuawha ki te tekau ma whitu o nga ra o tenei marama, 53 nga kaitaraiwa kare i mau tatua,  a, tekau nga kaitaraiwa i mau mo te whakamahi i a ratou waea pukoro i te wa e taraiwa ana. Hei ta Haihana Ray Wylie o te ropu apiha i nga huarahi o te Waiariki Rawhiti, i roto i nga wiki e rua pahore ake, i ata tirotiro nga pirihimana i te whanonga o nga kaitaraiwa, a, e nanu ana a Haihana Wylie i runga i nga tukunga iho.

Hei tana ano, ko te ngarara patu i te tangata ki runga i nga huarahi ko te wawao. Ka ngawari tonu te wawao atu ki tetahi mea i te wa e taraiwa ana. Hei tana ano ko te tupono nui ki nga kaitaraiwa, ko te waea pukoro. Noreira kaua e whakamahi i to waea pukoro i te wa e taraiwa ana te kii a Haihana Wylie.