Mai ano i te Rahina tekau ma waru ki te paunga o te wiki mahi te Ramere te rua tekau ma rua o Hongongoi i tu ai te kaupapa Kawerau on the Rise na te Dream Chaser Foundation me Te Kaunihera Taiohi o Kawerau.

Hangai ana nga tauwhainga ki te hauora o nga whanau o Kawerau hora atu ki tua atu o Te Teko. Hoi ano i tuku haki putea a Keri raua ko Ryan Topperwien ki nga whanau e rima kia rima rau tara ia haki.

Hei ta Keri Topperwien ko enei whanau o Kawerau me Te Teko kua pouroki ratau ki te Dream Chaser Foundation no reira te rima rau tara ki ia whanau hei awhina i a ratau i a ratau tawewe i roto i te kaupeka takurua. Tetahi tangata rongonui i tae ki te tautoko i te kaupapa Kawerau on the Rise ko Mike King i whakarite i nga kauhau e hangai ana ki te mate hinengaro me pehea nga tangata me nga whanau e whai oranga mo ratau ake.

Tetahi o aua whanau i whiwhi i te haki rima rau tara ko te pepe Anahera Hohepa e pangia ana e te mate leukaemia ratau ko ona matua ko Kahureremoana Hohepa raua ko Parani Apanui i a Mike King me Keri raua ko Ryan Topperwien.