Korerorero ana Te Komiti Kaupapa Ratonga o Te Kaunihera o Whakatane mo te hangatanga o tetahi papa korewa kotahi rau mita hauroa i te awa o Ohinemataroa hei nga waka moana o Whakatane.

Tetahi take hei whakaarotanga mo Te Kaunihera ka mutu te hangatanga o te papa korewa mena ka waiho kia tuwhera hei nga iwi tumatanui otira me taiapa ranei e tiaki ana i nga waka moana o nga kaipupuri kia kaua e raru.

He kaupapa kei te rere haere na te hiahia hirahira kia waihanga i tetahi taunga waka moana hou. No reira kia here waka nga kaipupuri i taua wa waihanga hou me whakarite i te papa korewa e tau ai nga waka moana kia mutu rano te waihangatanga o te taunga waka moana hou.

Hei ta te koromatua ta Tony Bonne me hanga i nga waharoa teitei kia here maro a nga po me te mohio he tangata haere po kei Whakatane e rawekeweke ana i nga taputapu me nga waka moana o etahi atu mena ka kore te kaipupuri e here ana i nga tatau kia patuwatawata.

Kei te tatari tonu Te Kaunihera o Whakatane i te wa e ahei ana ia kia timata te kaupapa waihanga i te taunga waka moana kia puta rano mai nga whakaaro o te iwi o Wairaka me Te Runanga o Ngati Awa koi raru te wa hao inanga me te whakapoto i te papa korewa kia kotahi rau mita te roa kia poteretere i waenga i te koawa o Wairere me Te Toka o Taiao.