Hei te mutunga o tenei marama, Hongongoi, ka hui tahi te hunga whakahaere i nga whakawhanaketanga i te wahapu i Opotiki me nga kamupene e rua, i tautapatia ki te hanga i te ahua o te wahapu i opotiki. Ko nga kamupene hanga e rua i tautapatia ko Brian Perry Civil i te taha i a Beca me HEB Constructions i te taha i a Tonkin and Taylor.

I tutaki nga kamupene hanga i te kaunihera a rohe o Opotiki i tera marama, a, ka tutaki ano ratou hei te rua tekau ma waru o Hongongoi. Ko tetahi e ata tirohia ana me te whakawhiti korero, ara, te ahua o nga mahi.

Ka korerorero te kaunihera me te hunga whakahaere i nga whakawhanaketanga i te wahapu i Opotiki i te maha o nga tangata ka whai mahi ki tenei o nga kaupapa, me te manako ka whiria ko nga kaimahi o te kainga, o Opotiki hei mahi i te wahapu i Opotiki.