Kei a Hauora-a-Toi te mana whakahaere i tenei whakamatautau Keytruda kei te tautoko putea i a Pharmac e hangai ana ki nga turoro kei te patua ratau e te mate pukupuku melanoma.

Hei ta James Fuller o Hauora-a-Toi kei te tu mai nga whakamatautau Keytruda hei nga tau e rua mena ka whai mana te Keutruda i tona ake rongoa otira kia tapiri ke i te rongoa Epacadostat hei hoa rongoa e patu ai i te melanoma.

Ka riro ma Ahorangi Peter Gilling hei whakahaere i te whakamatautau Keytruda i Tauranga ko ia hoki te tangata e tohunga ana ki nga whakamatautau rongoa me nga whakamatautau taputapu o nga umanga rongoa me nga umanga ka rangahau i te oranga o nga turoro hei patupatu i nga momo kino nga momo mate e ngau kino i te tangata.