Hei ta Paul Francis o Awakeri Rail Adventures kei te koa ia kua kuhu nga tamariki o te Karapu Punua Awakeri hei kaitaawhiti kia hopuhopu i nga tori i nga ngahere o waenga i Awakeri me Taneatua. Tekau ma wha marama pahore e taawhitiwhiti ana a Paul Francis na te timatanga o tana umanga Awakeri Rail Adventures.

I waitohua e nga tamariki Punua Awakeri a ratau taawhiti kia maha nga kano otira no te wiki tonu nei ratau i whakatakoto a ratau taawhiti tekau ma wha ki te ngahere o Te Toki-a-Kiwa.

He tawhiti enei na Te Papa Atawhai e tumanako ana kia whakakorekore i nga tori me nga kiore e pai ai te whakatipu o nga manu maori e kitekite ai i nga tangata manene anamata ake.

Kei te mahi tahi te Awakeri Cubs Awakeri Rail me te Whakatane West Rotary i a HALO Whakatane ara i a Bridget Palmer o Te Papa Atawhai o Whakatane hei patu i nga tori me nga kiore i tenei takiwa o Whakatane i tera takiwa o Te Toki-a-Kiwa me Kiwinui.

Etahi o era tamariki i whakaahua i a Louis Klassen hei Ramaroa ko Finnian Firkin tekau tau, Sophie Spod waru tau, Mason Nurrka iwa tau ratau ko Kaleb Grindrod o te Awakeri Cubs i roto i te ngahere o Te Toki-a-Kiwa.