Hei te korero a Craig Emeny toihautu o Air Chathams he wa ohorere mona engari pea me mihi atu ke ki aana kaimahi no ratau te taieatanga o te tohutoa ONZM me te whakataukii “he maramara nui a mahi ka riro i a noho”.

Kei te kii te purongo a Ramaroa i timata a Craig Emeny i tana umanga waka rererangi Air Chathams i te tau kotahi mano iwa rau waru tekau ma wha tera te ratonga matua i waenga i Aotearoa me te moutere o Wharekauri ara Chatham Islands.

Otira no nga tau e rua tawhito i timata a Craig Emeny i tana rererangi waka i Whakatane me Tamaki-makau-rau na te whakakore te umanga Air NZ i aana rererangi waka i roto i Te Waiariki Rawhiti.

Tera hoki nga mahi hapori a Craig Emeny raua ko tana hoa wahine kia kohikohi putea me te tuku i nga waka e me te kore utu hei kawe i nga tangata me nga utanga. Tera hoki a raua whakarato putea tautoko ki nga whanau a rohe.