Ka wha tekau miriona tara i tetahi tahua putea na Te Karauna raua ko Te Kaunihera o Toi Moana e akiaki ana i nga tangata pupuri whenua kia tonoa he whatinga putea ratau e whakatikatika ana i o ratau whenua i te takiwa o Rotorua.

Hei ta Norm Bruning heamana o te komiti Lake Rotorua Incentives he kaupapa na ratau kia hokona nga hauota i nga tangata pupuri whenua ahakoa te nui o te whenua ahakoa hoki te iti o te whenua kia kotahi rau rima tekau kirokarama kotahi mano kirokarama ranei te hauota e hiahia ana i a ratau kia hokona atu.

Hei te wha tekau miriona tara e tu ake ana hei hoko i nga hauota kotahi rau tana (tonnes). Kei te inoi a Norm Bruning ki nga tangata e whakaaro ana kia hoko he hauota me whakapa atu ki a ratau kia mohio e pehea e whakakore i te hauota ki roto i nga koawaawa mea rawa ake ki roto i nga moana wai maori o Rotorua.

No reira te porowhiu i te wha tekau miriona tara e purukati i te hauota ki nga wahi wai maori e ora pai ai nga wai maori i nga tukinotangata no nga whenua e mahi ana i te tangata.