No enei rangi whakata te timatanga o te puhipuhi manu ina mano mano nga tangata i puta puta ki o ratau rohe me a ratau maimai e tumanako ana ratau he kai parera ma ratau a muri atu i te wa o ia rangi.

Hei nga apiha o Fish & Game i Te Waiariki me Turanga-nui-a-Kiwa he tau huanga mo nga manu. Engari pea te raru mo nga kaipuhipuhi manu ko te whitinga o Tama-nui-te-ra kei runga rawa nga manu e rere.

Hei te tikanga me ua me kopatapata kia rere raro ke nga manu ki te mata o te whenua e ahei nga tangata ki te puhipuhi he kai ma ratau.

Tera hoki te kupu tupato ki nga tangata  mau tupara me tiaki pai ratau i a ratau me a ratau taitamariki e haere taha ana i o ratau matua i o ratau pakeke koi morearea etahi o ratau. Ka neke atu te kaupeka puhipuhi manu i tenei rahoroi te tuaono o Haratua ki te ratapu te rua tekau ma whitu o Here-turi-koka e taka mai nei.