Oti ana te Tohutoa Hakinakina Mataatua no te po Rahoroi pahore nei i tu ai ki te whare karakia Baptist i te huarahi Keepa i Whakatane.

Hei nga korero a te heamana o te Kaitiaki Mataatua a Chris Majoribanks “ ahakoa iti he pounamu” tana korero hoki mo te tokoiti o te iwi i tae ki te tautoko i tenei kaupapa hakinakina e whakanui ana i nga hautoa Maori i te waka o Mataatua. Hoi ano i te mutunga ake i kitea nga hautoa i ia wahanga i whakarite ai: hei te wahine hakinakina taina na Mikayla Timoti no te waka ama.  Hei te tane hakinakina taina na Ash Roozendaal i te waka ama me te hiki maita.

Hei te Apiha Hakinakina na Te Ahuroa Cossey i te kaiwawao pa whutuporo. Hei Kaiwhakahaere Hakinakina Ngahuia Brown, Lyn Rua me Tawhai Hakihaha o Te Karapu Whutuporo Hakinakina Poroporo. Kaiako Hakinakina George Harawira o te Kapa Paroa.

Wahine Hakinakina Matua Lisa Carrington Waka Tiwai o Rio De Janeiro. Tane Hakinakina Matua Rota Elliott Hanga Pakaua Tinana.

Kapa Hakinakina Jaimee Lovett o te waka Tiwai tokowha Aotearoa i Rio De Janeiro. Hei tangata hakinakina o te tau o Mataatua na Lisa Carrington.